ՀՀԿ խորհրդի նախագահ Անդրանիկ Մարգարյանն՝ իրեն ուղղված հարցին՝ եթե նախագահը չկատարի «Միասնության» ներկայացրած հրաժարականների պահանջը, դաշինքը կպահանջի՞ նախագահի հրաժարականը, պատասխանեց. «Այդ հարցի մասին չէի ցանկանա խոսել»։ «Առավոտը» փորձեց ճշտել՝ իրակա՞ն են այն լուրերը, որ Վազգեն Սարգսյանի ծննդյան օրը պետք է տոնացույց մտնի, պրն Մարգարյանն ասաց, որ առայժմ «Միասնությունը» հարմար չի գտնում հանդես գալ նման օրենսդրական նախաձեռնությամբ։
Ո՞Վ Է ԱՎԵԼԻ ԲԱՐՁՐ ԳՈՌՈՒՄ
«Մենք ունենք կոռումպացված իշխանություն, գողեր, որոնք պետական պաշտոններ են զբաղեցնում»,- հայտարարեց ոչ թե Արշակ Սադոյանը, ոչ էլ որեւէ գործազուրկ բանվոր, այլ իշխանավոր եւ պետական պաշտոնյա Արմեն Եղիազարյանը, որը վարչապետի խորհրդականն է եւ հատկապես ՀՀ բանկերի խորհրդի նախագահը։
Կարդացեք նաև
ՄԱՆԱՆԵԽ՝ ՃԱՇԻՑ ՀԵՏՈ
Երեւանի քաղաքապետարանի բարեկարգման վարչության պետից «Առավոտը» տեղեկացավ, որ բժշկական ինստիտուտի գետնանցումը առնվազն 1-2 օր չի գործի՝ երեկ ժամը 12.30-ին տեղի ունեցած վթարը վերացնելու նպատակով։ (Գետնանցումը 88-ից չէր վերանորոգվել)։ Վթարի վերացման համար անհրաժեշտ գումարներ դեռ չեն հաշվարկվել, իսկ ընդհանուր առմամբ այն վերանորոգելու համար 20 մլն դրամ է անհրաժեշտ։
ՀԱՂՈՐԴԱԿԻՑ ԱՆՈԹՆԵՐԻ ՕՐԵՆՔՈՎ
Ստեփանակերտի քաղաքական շրջանակներում լուրեր են տարածվել, թե կարող են միավորվել ֆինանսների եւ էկոնոմիկայի, առողջապահության եւ սոցապահովության, կրթության, գիտության եւ մշակույթի նախարարությունները։
