«Տեղյակ չեմ դեռ՝ ինչ գործով եմ»,- լրագրողների հարցին՝ ի՞նչ գործով եք եկել Հակակոռուպցիոն կոմիտե, այսպես պատասխանեց ՀՀ երրորդ նախագահ Սերժ Սարգսյանը։
Նշենք, որ քիչ առաջ Հակակոռուպցիոն կոմիտե է եկել նաև ՀՀ երրորդ նախագահ Սերժ Սարգսյանը։ Նրան ուղեկցում էր փաստաբան Ամրամ Մակինյանը։
ՀՀ գլխավոր դատախազության տարածած հաղորդագրությունում, ըստ որի՝ դատախազը 2026 թվականի օգոստոսի 24-ին հանրային քրեական հետապնդում է հարուցել ՀՀ երկրորդ նախագահ Ռոբերտ Քոչարյանի նկատմամբ՝ պաշտոնեական լիազորությունները չարաշահելու (3 դրվագ), առանձնապես խոշոր չափերով կաշառք ստանալու (2 դրվագ) և առանձնապես խոշոր չափերով փողերի լվացում կատարելու համար (4 դրվագ), նշված է, որ դատախազը հանրային քրեական հետապնդում է հարուցել ևս 9 անձի նկատմամբ, որտեղ հիշատակվում են նաև Սերժ Սարգսյանի և Անդրանիկ Մարգարյանի անունները։
շՀաղորդագրությունում մասնավորապես նշված է․ «Դատախազը հանրային քրեական հետապնդում է հարուցել ևս 9 անձի նկատմամբ, այդ թվում են՝ ՀՀ երկրորդ նախագահ Ռ.Ք.-ի որդի Ս.Ք.-ն, ՀՀ պաշտպանության նախկին նախարար Ս.Ս.-ն, ՀՀ նախկին վարչապետ Ա.Մ.-ն, Երևանի նախկին քաղաքապետ Գ.Բ.-ն, «Լոկալ Դիվելոփըրզ» ՍՊ ընկերության մասնակից Ս.Մ.-ն, ինչպես նաև Կոնդի առանձնատների տնտեսության տնօրենի պաշտոնը զբաղեցրած և շինարարական գործունեություն իրականացնող «Այգեձոր» ՍՊԸ-ն ղեկավարած Ա.Ո.-ն., Ա.Ո.-ի կինն ու երկու դուստրերը»։
Կարդացեք նաև
Տաթև ՀԱՐՈՒԹՅՈՒՆՅԱՆ
