![\"\"](\"https://www.aravot.am/2007/aravot_arm/September/25/p5.jpg\")
Անկախության օրվա կապակցությամբ ՀՀ նախագահի նստավայրում սեպտեմբերի 21-ին կազմակերպված ընդունելությանը մասնակցել են նաեւ «Օրինաց երկիր» կուսակցության փոխնախագահներ Հեղինե Բիշարյանն ու Մհեր Շահգելդյանը: Նրանք հետո մասնակցել են նաեւ «Արմենիա-Մարիոթ» հյուրանոցում ՀՀՇ-ի կազմակերպած ընդունելությանը:Կուսակցության նախագահ Արթուր Բաղդասարյանը ներկա է եղել միայն նույն օրը ՕԵԿ-ի կազմակերպած ընդունելությանը: Դատելով այն լուսանկարներից, որոնք մեզ տրամադրեցին «Օրինաց երկրի» գրասենյակից, ընդունելությունը շատ բազմամարդ է եղել եւ անցել է ջերմ մթնոլորտում:Իսկ «Արմենիա Մարիոթ» հյուրանոցում Հայաստանի առաջին նախագահի ծրագրային ելույթը, նախագահական ընտրություններին Լեւոն Տեր-Պետրոսյանի հնարավոր մասնակցության դեպքում «Օրինաց երկրի» դիրքորոշումը, նաեւ երկրի ներքաղաքական իրավիճակին առնչվող այլ խնդիրները ՕԵԿ-ը կքննարկի սեպտեմբերի 29-ին կայանալիք վարչության նիստում:
