![\"\"](\"https://www.aravot.am/2007/aravot_arm/December/4/p1.jpg\")
Երեկ Վենեսուելայի նախագահ Հուգո Չավեսը պարտություն կրեց իր իսկ կողմից նախաձեռնած հանրաքվեում, որով առաջարկվում էր մի շարք փոփոխություններ մտցնել Սահմանադրության մեջ: Մասնավորապես, նախատեսվում էր հնարավորություն տալ Չավեսին՝ մասնակցել նախագահական ընտրություններին առանց սահմանափակումների, կառավարության վերահսկողության տակ հանձնել Կենտրոնական բանկը, անհրաժեշտության դեպքում սահմանափակել ԶԼՄ-ների ազատությունը: Քվեարկողների 51 տոկոսը դեմ արտահայտվեց այդ փոփոխություններին: Չնայած «սոցիալիզմ կառուցելու» Չավեսի առաջարկները բավականին կասկածելի են, Վենեսուելայի նախագահը, ի տարբերություն հետխորհրդային լիդերների, չփորձեց կեղծիքներով հասնել իր նպատակին եւ ընդունեց հանրաքվեի արդյունքները:
