![\"\"](\"https://www.aravot.am/2009/aravot_arm/March/25/p6.jpg\")
Երեկ Լոս Անջելեսում մեկնարկեց գեղասահքի աշխարհի առաջնությունը, որտեղ Հայաստանն ունի մեկ ներկայացուցիչ՝ մենասահորդ 21-ամյա Գեղամ Վարդանյանը, որը մարզիչ Արմեն Ասոյանի հետ միասին արդեն մեկ շաբաթ է, ինչ գտնվում է ԱՄՆ-ում:
Տղամարդկանց մենասահքերում այս տարի հանդես են գալիս ռեկորդային թվով մասնակիցներ՝ 50 հոգի: Հասկանալի է, Գեղամը ոչ միայն մրցանակային տեղերի, այլեւ միջանկյալ տեղերի չի հավակնում: Այդպես ասում ենք՝ ոչ միայն մարզաձեւի Հայաստանի մասնագետների կարծիքն իմանալով: Դրա մասին է ասում նաեւ աշխարհի առաջնության պաշտոնական կայքը, որի համաձայն՝ մեր մարզիկն, ըստ իր ունեցած վարկանիշի, առաջինն է մտնելու սահադաշտ:
