Բրիտանական Բրիքսթոնի տղամարդկանց կալանավայրի Electric Radio Brixton ռադիոկայանն արժանացել է Sony Radio Academy 2009թ. մրցանակաբաշխության չորս մրցանակների։ Այդ մասին հաղորդում է Lenta.ru-ն։ Ստացված մրցանակների թվում են երկու ոսկե եւ երկու բրոնզե մրցանակներ, այդ թվում նաեւ մրցանակներ՝ «լավագույն հարցազրույցի» ու «լավագույն ելույթի» համար։ Ռադիոկայանի աշխատանքին մասնակցում են միայն բանտարկյալները։
Electric Radio Brixton ռադիոկայանը նաեւ խրախուսական մրցանակներ է ստացել երեք անվանակարգերում, այդ թվում՝ նաեւ կատակերգական շոուի համար։ Նշենք, որ Electric Radio Brixton-ի հաղորդումները հեռարձակվում են միայն բանտում։ 2009թ., Sony Radio Academy Awards մրցանակաբաշխությունը անցկացվել է 27-րդ անգամ։ Նախկինում բազմաթիվ մրցանակների արժանացած Radio BBC-ն առաջին անգամ չի ստացել ոչ մի մրցանակ։