Սեպտեմբերի 18-ին Իջեւանում կայացավ Հայաստանի գրողների միության Տավուշի մարզային մասնաճյուղի նիստ, որին մասնակցում էր ՀԳՄ նախագահ Լեւոն Անանյանը: Օրակարգում մի հարց էր՝ մարզային մասնաճյուղի ղեկավար Թելման Մայիլյանի հետագա պաշտոնավարման նպատակահարմարությունը: Հետաքրքիր է, որ ինքը՝ Մայիլյանը, տեղյակ էր, սակայն չէր մասնակցում հավաքին:
Տավուշի մարզում գրողների հանդիպումներ, գրքերի քննարկումներ, ստեղծագործական բանավեճեր հազվադեպ են կայանում, չնայած ԵՊՀ Իջեւանի մասնաճյուղի շենքում Տավուշի գրողներին տարածք է հատկացվել, սակայն շատ գրողներ տեղյակ չեն այդ մասին: Քվեարկությամբ միաձայն, 12 կողմով Թելման Մայիլյանն ազատվել է ՀԳՄ Տավուշի մարզային մասնաճյուղի նախագահի պաշտոնից: Առաջիկայում կընտրվի նոր նախագահ:
