«Իմ վերջին յոթ տարիների փորձառությունը ինձ իրավունք է տալիս ժպիտով մոտենալ այդ միավորման փաստին»,- խորհրդարանում լրագրողների հետ զրույցում ասաց իշխող «Քաղաքացիական պայմանագիր» խմբակցության պատգամավոր Սոնա Ղազարյանը՝ պատասխանելով ընդդիմության միավորման մասին հարցին։
Ընդդիմության միավորման համատեքստում հարց հնչեց նաեւ նոր Սահմանադրության մասին։
Սոնա Ղազարյանի պատասխանը հետեւյալն էր․ «Երբ որ տեքստը հրապարակվի, և այդ ժամանակ ամբողջ ընդդիմադիր, առնվազն խորհրդարանական բոլոր ուժերը պետք է պատասխան տան, թե ինչպես են բացատրում՝ ինչո՞ւ է, օրինակ, իրենց պատկերացմամբ Ալիևը ուզում ունենալ ավելի ժողովրդավար երկիր իր հարևանությամբ, ինչո՞ւ է ուզում, որ, օրինակ, ընդդիմությունը օժտվի ավելի կարևոր մեծ լիազորություններով, ինչո՞ւ է ուզում, որ իրավունքները պաշտպանված լինեն։ Այս նախահարձակը՝ ըստ էության, որ ընդդիմությունը նախաձեռնել է, մի նպատակ ունի՝ ժողովրդի ուշադրությունը շեղել բուն տեքստից, որը մենք առաջարկում ենք մեր քաղաքացիներին՝ ունենալու ավելի բարեկեցիկ և զարգացող Հայաստանի Հանրապետություն։ Մանիպուլյացիաները, որ անում է ընդդիմությունը, շատ կարճ կյանք ունեն, և տեքստի հրապարակման հետ մեկտեղ կչեզոքանան։ Բայց ակնհայտ է, որ ընդդիմությունը ստեղծել է «ոչ»-ի շտաբը հավանաբար, որովհետև իրենք էլ վստահ չեն, որ իրենց կուսակիցներից, գործընկերներից որոշները կողմ են քվեարկելու այս նախագծին»։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
