![\"\"](\"https://www.aravot.am/2009/aravot_arm/September/23/p14.jpg\")
Ամերիկացի պատմաբան Թեյլոր Բրենչը «Քլինթոնի ժապավենները» վերտառությամբ գիրք է հրապարակել, որը ԱՄՆ նախկին նախագահ Բիլ Քլինթոնի եւ ամերիկացի քաղաքական գործիչների հետ 70 ձայնագրված հարցազրույցների ժողովածու է: Այս գրքում կան Ռուսաստանի նախկին նախագահ Բորիս Ելցինին վերաբերող փաստագրումներ, որոնց մասին պատմել է նաեւ Քլինթոնը: «Հարբած՝ Բորիս Ելցինը մի օր Վաշինգտոնում, Սպիտակ տան մոտ, վարտիքով ծլկելով սեփական թիկնապահների հսկողությունից, դուրս է եկել փողոց՝ տաքսի բռնելու: Նա հավաստիացրել է, որ գնում է պիցցա բերելու: Այդ մասին Քլինթոնին հաղորդել են հատուկ ծառայությունների աշխատակիցները: Մի այլ անգամ անվտանգության աշխատակիցները Ռուսաստանի նախագահին դրել են հարբած գողի տեղ. նա օրորվելով թափառել է հյուրերի առանձնատան ներքնահարկում»,- գրքից մեջբերում է արել «The Daily Mail» բրիտանական թերթը: Գրքի հեղինակը նկատել է, թե Ելցինը եղել է Կրեմլի «պատանդը»: Ամերիկյան քաղաքական գործիչները պատմել են նաեւ, թե Ելցինը բանակցությունների ժամանակ էլ երբեմն հարբած էր լինում, իսկ մի անգամ նա Քլինթոնին առաջարկել է հանդիպել սուզանավի վրա: