![\"\"](\"https://www.aravot.am/2009/aravot_arm/October/28/p17.jpg\")
Արգենտինայում շարունակվում է շախմատի աշխարհի մինչեւ 20 տարեկանների տղաների եւ աղջիկների առաջնությունը, որտեղ հանդես եկող մեր հանրապետության երկու ներկայացուցիչները վեց տուրից հետո շարունակում են ընթանալ մրցաշարային աղյուսակների վերին հորիզոնականներում: Աղջիկների մրցապայքարում Աննա Հայրապետյանը սեւերով ոչ-ոքի արեց Ժոզեֆինա Պաուլետի հետ եւ վեց միավորով զբաղեցնում է 9-րդ հորիզոնականը: Իսկ մրցաշարային աղյուսակը 5,0 միավորով գլխավորում է հնդկուհի Ռութ Պադմինին: Երեկ՝ 7-րդ տուրում, Աննայի մրցակիցը նույնպես Հնդկաստանի ներկայացուցիչ էր՝ Մոհանիտ Մանիշա Կիրանը:
Ռուսաստանցի գրոսմայստեր Իվան Պոպովի հետ միավորը բաժանեց նաեւ Ավետիք Գրիգորյանը (նկարում՝ աջից) եւ իր անվան դիմաց նույնպես գրանցեց 4,0 միավոր: Սակայն դա առայժմ 15-րդ արդյունքն է: Երեկ հայ երիտասարդ գրոսմայստերը ուժերը չափում էր Արգենտինայի ներկայացուցիչ Ժակ Բլիտի հետ: Տղաների պայքարում մրցաշարային աղյուսակի առաջին հորիզոնականում ընթանում է ֆրանսիացի Մաքսիմ Վաշյե-Լագրավը, որ կորցրել է ընդամենը մեկ միավոր:
