Հոկտեմբերի 31-ին «Մոսկվա» կինոթատրոնում կկայանա Վիգեն Չալդրանյանի նոր ֆիլմի պրեմիերան: Ֆիլմը անվանվել է «Մաեստրո», գլխավոր դերում հանդես է եկել Միքայել Պողոսյանը, տեղեկացնում է tert.am-ը: Ֆիլմում Միքայել Պողոսյանը սիմֆոնիկ նվագախմբի մաեստրոն է, ում հեղինակած ռեքվիեմը ֆիլմի ավարտին հնչում է որպես քաղաքի ռեքվիեմ: Ռուսական լրատվամիջոցներին տված հարցազրույցներից մեկում Վիգեն Չալդրանյանը նշել է, որ այս ֆիլմով փորձ է արել էկրանի առջեւ հրավիրել վերջին քաղաքական իրադարձություններից հետո երկբեւեռված հասարակության հակադիր ճամբարների ներկայացուցիչներին: Վիգեն Չալդրանյանն ու դերասան Միքայել Պողոսյանը համագործակցել են նաեւ ռեժիսորի մեկ այլ ֆիլմում՝ «Լռության սիմֆոնիայում», որը նկարահանվել է 2001-ին:
