Երկրորդ միջին քաշային կարգում պրոֆեսիոնալ բռնցքամարտի աշխարհի նախկին չեմպիոն, ներկայումս հաջողակ բիզնեսվումեն Լեյլա Ալին (նա Մուհամեդ Ալիի դուստրն է) ակտիվ մասնակցություն է ունեցել օրերս ԱՄՆ-ում չորրորդ անգամ անցկացվող քայլքի օրվա միջոցառումներին: Լեյլան այլ հեղինակությունների հետ միասին փորձել է «վարորդների ազգ» կոչվող ամերիկացիներին համոզել, որպեսզի նրանք օրվա մեջ գոնե կես ժամ հրաժարվեն ավտոմեքենայից եւ մարզակոշիկներ հագնելով պարզապես քայլեն: Հիշեցնենք. Լեյլան, որ ժամանակին կարողացել էր հավաքել 76,2 կգ քաշային կարգի բոլոր հիմնական գոտիները, երեխա ունենալու նպատակով անորոշ ժամանակով հեռացել է բռնցքամարտից: Վերջին ժամանակներս անընդհատ շշուկներ են տարածվում նրա՝ ռինգ վերադառնալու մասին, սակայն Լեյլան առայսօր պաշտոնական ոչ մի հայտարարություն չի արել, թե երբ եւ ում հետ է պատրաստվում կրկին ռինգ մտնել:
