Ապրիլի 17-ին Վրաստանի ջրային ավազանի՝ Բաթումի նավահանգստի տարածքում կալանավորվել է ռուսական դրոշի ներքո նավարկող «Սարատով սիթի» բեռնանավը: Կալանավորման մասին, սակայն, հաղորդվել է միայն երեկ: Վրաստանի սահմանային ոստիկանության հայտարարության համաձայն, նավը կալանավորվել է «ծովն աղտոտելու փաստի» կապակցությամբ, եւ եթե հետաքննությունը հաստատի նավի անձնակազմի մեղքը, ապա գործը կուղարկվի դատարան: Թե քանի հոգի է եղել նավի տախտակամածին՝ չի հաղորդվում:
