Հայաստանի պետական ճարտարագիտական համալսարանը ամեն տարի Հայոց եղեռնի տարելիցի կապակցությամբ իրականացնում է բազմաբնույթ միջոցառումներ՝ հավուր պատշաճի հիշելու անմեղ զոհերի հիշատակը: Մեծ եղեռնի 95-րդ տարելիցին նվիրված միջոցառումների շարքը մեկնարկել է երեկ՝ գիտավերլուծական զեկույցների ներկայացմամբ: Բացման խոսքով հանդես է եկել ՀՊՃՀ ռեկտոր Ո. Մարուխյանը, այնուհետեւ հետեւել են ԳԱԱ արեւելագիտության ինստիտուտի թուրքագիտության բաժնի գիտաշխատող Ա. Հովհաննիսյանի, ՀՊՃՀ պատմության ամբիոնի դասախոս Վ. Վիրաբյանի, ՀՊՃՀ պատմության ամբիոնի վարիչ Ս. Հովհաննիսյանի զեկույցները եւ վավերագրական ֆիլմի դիտում:
