«Դեպի կրթություն բոլորի համար. աջակցել կրթության առանձնահատուկ պայմանների կարիք ունեցող երեխաների կայուն զարգացմանը» ծրագիրը թեւակոխեց իր վերջին՝ երրորդ փուլը: Ծրագրի իրականացման կապակցությամբ Խ. Աբովյանի անվան հայկական պետական մանկավարժական համալսարանում կնքվեց հուշագիր՝ «Առաքելություն Արեւելք» դանիական մարդասիրական օգնության հայաստանյան մասնաճյուղի, «Հույսի կամուրջ» հաշմանդամ երեխաների ու երիտասարդների իրավունքների պաշտպանության հասարակական կազմակերպության եւ ՀՀ ԿԳ նախարարության կողմից: ՀՀ ԿԳ նախարարությունը ստանձնեց ծրագրի արդյունավետ իրականացման գործընթացը՝ Խ. Աբովյանի անվան մանկավարժական համալսարանի՝ ներառական կրթության ուղղությամբ ձեռքբերումները արդիականացնելու: