PKK-ն որոշում է կայացրել նոյեմբերի 1-ին ավարտվող միակողմանի զինադադարը երկարացնել մինչեւ հաջորդ տարվա Թուրքիայի խորհրդարանական ընտրությունները։ Այդ մասին հաղորդում է news.am-ը՝ վկայակոչելով Firat գործակալությանը: PKK-ի տարածած հայտարարության մեջ նշվում է, որ իրենք կայուն խաղաղության համար թուրքական իշխանություններին առաջարկում են 5 քայլ կատարել. զինվորական եւ քաղաքական շրջանակներում գործողությունների դադարեցում, բաց թողնել անտեղի կալանված քուրդ քաղաքական գործիչներին, բացել առաջնորդ Աբդուլա Օջալանի ճանապարհը եւ գործընթացը երկխոսության մակարդակից դարձնել քննարկումների առարկա, գործընթացի առաջխաղացման համար ստեղծել Սահմանադրությունը եւ օրենքներն ուսումնասիրող հանձնաժողովներ եւ իջեցնել 10 տոկոսանոց ընտրական շեմը, որն աշխարհի ոչ մի երկրում գոյություն չունի։
