![\"\"](\"https://www.aravot.am/2010/aravot_arm/November/4/p1.jpg\")
ՀՀ Սյունիքի մարզպետարանից տեղեկացանք, որ Սյունիքի մարզպետ Սուրիկ Խաչատրյանը շնորհակալական նամակ է ստացել ՀՀ տարածքային կառավարման նախարար, փոխվարչապետ Արմեն Գեւորգյանից, որում մասնավորապես ասված է. «Շնորհակալություն ենք հայտնում հոկտեմբերի 16-ին հանրապետության նախագահի մասնակցությամբ կայացած «Տաթեւի վերածնունդ» ծրագրի եւ «Տաթեւի թեւեր» ճոպանուղու բացման արարողությանը Ձեր կողմից ղեկավարած պետական մարմնի ցուցաբերած ակտիվ համագործակցության եւ աջակցության համար: Oգտվելով առիթից՝ մաղթում եմ Ձեզ հետագա արգասաբեր աշխատանք»:
Նախ հիշեցնենք, որ «Տաթեւի թեւեր» ծրագրում մի շարք գերատեսչություններ էին ընդգրկված,
Սյունիքի մարզպետարանը բնավ էլ գլխավորը չէր: Բայց սա դեռ մի կողմ: Առավել կարեւոր է հարցը, թե ինչու Սուրիկ Խաչատրյանը Երեւանից որեւէ նամակ չի ստանում, երբ հերթական աղմկոտ քրեական պատմությունն է բացահայտվում, կամ ինչ արգասաբեր աշխատանքի մասին է խոսքը, երբ նրա մարզպետության օրոք Սյունիքի գյուղերը դատարկվում են:
