«Առավոտն» ընթերցողներին տեղեկացրել է, որ հայ շախմատիստների առաջատար Լեւոն Արոնյանը մասնակցելու է Հոլանդիայի Վեյկ ան Զեե քաղաքում անցկացվելիք անվանափոխված «Tata Steel Chess 2011» շախմատային ավանդական խոշոր փառատոնի ուժեղագույնների խմբի պայքարին: Երեկ «Armchess.am»-ը հավելել է, որ 73-րդ անգամ կազմակերպվող նույն մրցաշարի «B» խմբում հանդես է գալու նաեւ մեր հանրապետության լավագույն գրոսմայստերներից Գաբրիել Սարգսյանը: Այստեղ ընդգրկված 14 շախմատիստներն էլ, չնայած երիտասարդ տարիքին, անվանի գրոսմայստերներ են: