Լրահոս
Օրվա լրահոսը

Արգամ Հովսեփյանը հայցադիմում է ներկայացրել դատարան՝ ընդդեմ ՀՀ-ի՝ պահանջելով հօգուտ իրեն բռնագանձել 4 000 000 դրամ․ «Փաստինֆո»

Նոյեմբեր 22,2026 19:50 Share
Աջակցեք aravot.am-ին

«Ազգային փորձաքննությունների բյուրո» ՊՈԱԿ-ի տնօրեն Արգամ Հովսեփյանը հայցադիմում է ներկայացրել դատարան՝ ընդդեմ ՀՀ-ի՝ ի դեմս Ֆինանսների նախարարության։ Հովսեփյանը դատական կարգով պահանջում է հօգուտ իրեն բռնագանձել ընդհանուր 4 000 000 ՀՀ դրամ՝ որպես ոչ նյութական վնասի հատուցում, որից՝ 2 000 000 ՀՀ դրամը՝ անձնական կյանքը հարգելու իրավունքի խախտման հետևանքով պատճառված ոչ նյութական վնասի հատուցում և 2 000 000 ՀՀ դրամը՝ սեփականության իրավունքի խախտման հետևանքով պատճառված ոչ նյութական վնասի հատուցում։ Հովսեփյանը փոխհատուցում է պահանջում՝ իր նկատմամբ կիրառված ոչ իրավաչափ խափանման միջոցի համար։

Արգամ Հովսեփյանի նկատմամբ, ինչպես արդեն հայտնել ենք, քրեական հետապնդում էր հարուցվել 2024թ․ Հակակոռուպցիոն կոմիտեում քննվող քրեական վարույթի շրջանակներում՝ առանձնապես խոշոր չափերով փողերի լվացման հատկանիշներով։ Քրեական վարույթով Հովսեփյանի պաշտոնավարումը կասեցվել է, նշված որոշումը դատական կարգով բողոքարկվել է, արդյունքում Հակակոռուպցիոն դատարանը ոչ իրավաչափ է գնահատել այն։ Արգամ Հովսեփյանն այժմ դատական կարգով փոխհատուցում է պահանջում։ Ըստ հայցվորի՝ իր նկատմամբ ոչ իրավաչափ և ապօրինի կայացված Որոշմամբ պաշտոնավարման կասեցում խափանման միջոցի կիրառման հետևանքով՝ 2024 թվականի դեկտեմբերի 25-ից մինչև ՀՀ վճռաբեկ դատարանի որոշման կայացմանը հաջորդող ժամկետը՝ 2025 թվականի հոկտեմբերի 1-ը ներառյալ, իր պաշտոնավարումը եղել է կասեցված ավելի քան 10 (տասը) ամիս ժամանակահատվածով։ Այսինքն՝ դատական ակտերով արձանագրվել է, որ կիրառման պահից սկսած ավելի քանի 10 (տասը) ամիսների ընթացքում շարունակել են խախտված մնալ Հովսեփյանի իրավունքներն ու ազատությունները:

Իզաբել ՍԱՀԱԿՅԱՆ

Նյութն ամբողջությամբ՝ սկզբնաղբյուր կայքում

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Նոյեմբեր 2026
Երկ Երե Չոր Հնգ Ուրբ Շաբ Կիր
« Հոկ    
 1
2345678
9101112131415
16171819202122
23242526272829
30