Հունվարի 15-ին, ժամը 19.15-ին ահազանգ է ստացվել, որ Երեւանի Մոլդովական փողոցի 44/3 շենքի թիվ 10 բնակարանի բնակիչը չի արձագանքում դռան եւ հեռախոսի զանգերին եւ անհրաժեշտ է փրկարարների օգնությունը:
Ոստիկանության աշխատակիցների եւ հարազատների ներկայությամբ փրկարարների ուժերով բացվել է բնակարանի դուռը, որտեղ հայտնաբերվել է 75-ամյա Թամարա Մարտիրոսյանի դին: Երեկ ԱԻՆ փրկարար ծառայությունից տեղեկացրին, որ բնակարանում զգացվել է ուժեղ գազի հոտ, իսկ ճաշասենյակում հայտնաբերվել է 3 կիլոգրամանոց գազի բալոն՝ բաց փականով եւ դատարկ: