«Tata Steel Chess» շախմատի գերմրցաշարի 10-րդ տուրում ուժեղագույնների խմբում հանդես եկող գրոսմայստեր Լեւոն Արոնյանը (նա խաղում էր սեւերով) արագ՝ 26-րդ քայլում ոչ-ոքի արեց հոլանդացի 17-ամյա շախմատիստ Անիշ Գիրիի հետ: Աշխարհի գործող չեմպիոն Վիշվանաթան Անանդը պարտության մատնեց Ալեքսեյ Շիրովին, Հիկարու Նակամուրան՝ Վաշյե Լագրավին, Վան Հաոն՝ Էրվին Լ’Ամիին, Ռուսլան Պոնոմարյովը՝ Ալեքսանդր Գրիշչուկին: Ուշ երեկոյան Մագնուս Կարլսեն-Յան Նեպոմնյաշչի պարտիան դեռ չէր ավարտվել: Շարունակվում էր նաեւ Լե Կուանգ Լյեմ-Գաբրիել Սարգսյան («B» խումբ) պարտիան: