Հունվարի 25-ին, ժամը 15.30-ի սահմաններում, Տավուշի մարզի Այրում քաղաքից Բագրատաշեն գյուղ տանող ճանապարհին, Այրումի վարչական տարածքում վթարի է ենթարկվել «Ջիպ» մակնիշի մի մեքենա: Ավտոմեքենան չհասած երկաթուղային գծերի հետ ճանապարհի հատման վայրին՝ մեծ արագությամբ փորձել է վազանցել: Սակայն խուսափելով հանկարծակի հայտնված հանդիպակաց մեքենայից՝ մեծ արագությամբ բախվել է ճանապարհի եզրի պատին: Հարվածի ուժն այնքան մեծ է եղել, որ մեքենան 180 աստիճան պտտվել է եւ կանգնել շարժման հակառակ ուղղությամբ: Ականատեսների վկայությամբ, մեքենայի ուղեւորուհին թեթեւ վնասվածքներ է ստացել: Վթարի ենթարկված «Ջիպը» հարսանյաց արարողության ավտոշարասյան մի մասնիկն էր: Նոյեմբերյանի տարածաշրջանի հոգեւոր հովիվ տեր Հրայր քահանա Բեջանյանի աղջիկը Լճկաձոր բնակավայրից հարս էր գնում նույն տարածաշրջանի Հաղթանակ գյուղ: