Տավուշի մարզպետ Արմեն Ղուլարյանը հոկտեմբերի 6-ին Տավուշի մարզխորհրդի նիստում կարեւորեց Այրումի սողանքի գոտին շրջանցող խճապատ ճանապարհի բարեկարգումը: Նրա խոսքով՝ ավելացել է Բավրայի մաքսատնով խոշոր բեռնատարների մուտքը Հայաստան: Հանրապետություն մտնող բեռնատարների մի զգալի մասն էլ երթեւեկում է Նոյեմբերյան-Իջեւան-Դիլիջան ճանապարհով: Մարզպետն ասաց, որ Իջեւան-Դիլիջան ճանապարհին, Հովքի գյուղի մոտ, սողանքային գոտի կա, այնտեղ խոշոր բեռնատարների կուտակումը կարող է վտանգավոր իրավիճակ ստեղծել: