Բանից պարզվում է՝ Երեւանի բոլոր հայտնի սուպերմարկետներում («ՍԱՍ», «Սթար», «Երեւան Սիթի», «Ֆրեշ», «Նոր Զովք») կարագի անվան տակ բուսասերուցքային խառնուրդ «սփրեդ») է վաճառվել։
«ՉԻ» Տնտեսական մրցակցության պաշտպանության պետական հանձնաժողովն, իհարկե, բացառիկ խիզախություն է ցուցաբերել, բացահայտել է այս փաստերը եւ այս ընկերություններից յուրաքանչյուրին տուգանել է 3 միլիոն դրամով։ 3 միլիոն դրամն, ի դեպ, նորմալ սուպերմարկետների մեկ օրվա շրջանառությունն է, բայց խնդիրը դա չէ։ Բանն այն է, որ տվյալ դեպքում գործ ունենք կազմակերպված խարդախության հետ, որին, ի դեպ, զոհ են դարձել տասնյակ հազարավոր քաղաքացիներ։ Հարց է ծագում՝ ինչո՞ւ է պատիժն այդքան մեղմ, մանավանդ որ այդ ընկերությունները գիտակցաբար են դիմել նման խարդախության։ Հիմա պատկերացրեք՝ որեւէ շարքային քաղաքացի մտնում է սուպերմարկետ, գնում երկու կիլոգրամ սփրեդ եւ վաճառողին մեկնում հինգ հատ կեղծ հազարանոց։ Նույն խարդախությունն է, չէ՞, կեղծ ապրանքին՝ կեղծ փող։ Բայց հասկանալի է, որ շարքային քաղաքացուն տեղում կձերբակալեն, քրեական գործ կհարուցեն ու մի քանի տարով «կնստացնեն»: Մինչդեռ նույն տրամաբանությամբ, պիտի մի 50 դրամ տուգանեին ու բաց թողնեին։
«Չորրորդ ինքնիշխանություն»
