Հարավային Օսիայում նախագահի կրկնակի ընտրությունները նշանակվել են 2012 թվականի մարտի 25-ին: Համապատասխան որոշումն այսօր ընդունել է Հանրապետության խորհրդարանի նախագահությունը՝ վկայակոչելով երկրի Սահմանադրության համապատասխան հոդվածները: Այդ մասին հաղորդում է ИТАР-ТАСС-ը:
Հիշեցնենք, որ այսօր ավելի վաղ Հարավային Օսիայի գերագույն դատարանը չեղյալ էր հայտարարել երկրում տեղի ունեցած նախագահական ընտրությունները՝ վկայակոչելով հայտնաբերած ընտրախախտումները: Այդ ընտրությունների առաջին փուլը տեղի էր ունեցել նոյեմբերի 13-ին, իսկ երկրորդը՝ նոյեմբերի 27-ին։ Երկրորդ փուլի արդյունքում իր հաղթանակի մասին հայտարարած Ալլա Ջիոեւան, Գերագույն դատարանի որոշմամբ, զրկվել է նախագահի կրկնակի ընտրություններին մասնակցելու իրավունքից, քանի որ ընտրախախտումները հենց նրա համակիրներն են իրականացրել:
