«Բարգավաճ Հայաստան» կուսակցության համար շատ ավելի ձեռնտու է ընտրությունների գնալ կոալիցիայի կազմում: Այդպես նրանք ավելի շատ քանակությամբ ձայներ կհավաքեն, քան եթե կոալիցիայից դուրս գան եւ իրենց ներկայացնեն որպես ընդդիմություն»,- Aravot.am-ի հետ զրույցում, անդրադառնալով նոյեմբերի 25-ին Ազատության հրապարակում Լեւոն Տեր-Պետրոսյանի ելույթում՝ ՀԱԿ-ի եւ ԲՀԿ-ի հնարավոր համագործակցության մասին պնդումներին, ասաց Հայկական սոցիոլոգիական ասոցիացիայի նախագահ, սոցիոլոգիայի դոկտոր, պրոֆեսոր Գևորգ Պողոսյանը:
Նրա կարծիքով, «Ժառանգությունը»՝ որպես կուսակցություն, խորհրդարանական մասնակցության հատվածում մի քիչ շատ կորցրեց. «Համոզված չեմ, որ առաջիկա խորհրդարանական ընտրություններում «Ժառանգությունը» նորից կկարողանա հաղթահարել 5 տոկոսանոց շեմը եւ մտնել խորհրդարան: Ավելի շատ գործեց որպես պառլամենտական խմբակցություն, բայց որպես կուսակցություն, որը պետք է ունենա բնակչության լայն խավերի աջակցություն, դա չունի»:
Լուսինե ԽԱՉԱՏՐՅԱՆ
Կարդացեք նաև
