Փետրվարի 18-ին Մյունխենում կայանալիք գերծանր քաշայիններ Վիտալի Կլիչկո-Դերեկ Չիսորա մենամարտից առաջ բրիտանացին չի թաքցնում, որ պատրաստ է այդ օրն օգտագործել իրեն հայտնի բոլոր կեղտոտ հնարքները:
Նրա խոսքերով, երբ դեռ հանդես էր գալիս սիրողական ռինգում, մարզիչ Ջոն Օլիվերն իրեն սովորեցրել է բոլոր կեղտոտ հնարքները, որ գոյություն ունեն բռնցքամարտում: Մասնավորապես, ուժեղ հարված ստանալիս իրեն ոչ թե «մաչո» ձեւացնել, այլ անել ամեն բան ժամանակ շահելու եւ վերականգնվելու համար: Չիսորան գիտի նաեւ, թե երբ է հարկավոր բռնվել մրցակցից, երբ հայտնվել ռինգի հատակին` 10 վայրկյան ստանալու եւ ուժերը վերականգնելու համար: Կլիչկոյի պարագայում եթե ուժեղ հարված բաց թողնի, կարող է կախվել նրանից` ուժասպառ անելու նպատակով, կամ մի քանի լրացուցիչ վայրկյան շահելու համար բանավիճել ռեֆերիի հետ:
Բրիտանացին հասկանում է, որ շատերն այս ամենը կեղտոտ խաղեր են համարում, բայց ինքն այդ տակտիկան գնահատում է խելացի:
Աշոտ ՀԱԿՈԲՅԱՆ
