Նորակառույց բնակարանների հարցերով տուժած քաղաքացիներն այսօր կառավարության շենքի բակում Aravot.am-ին ներկայացրին իրենց հետաքննությունը:
Բնակիչները պարզել են, որ նախագահի աշխատակազմի վերահսկողական ծառայության պետը՝ Հովիկ Հովսեփյանը, նորակառույց շենքերից իր համար բնակարաններ է վերցրել՝ նույնիսկ քենու, տատի ու պապի անուններով. «Մենք սկսել ենք մեր սեփական հետաքննությունը ու պարզել ենք, որ մեր երկրում բնակարանները վերցրել են միայն իշխանավորները, ու ոչ թե գումարներով, այլ ռեկետով: Կոնկրետ, մեր փաստացի տվյալներով, նախագահի աշխատակազմի վերահսկողական ծառայության պետ Հովիկ Հովսեփյանը, չարաշահելով իր պաշտոնական դիրքը, վճռով, նույն օրը Կենտրոնի դատավոր Էդիկ Ավետիսյանից վերցրել է 24 վճիռ՝ 25 բնակարանի համար, գումարած 27 ավտոկայանատեղի: Շատ հետաքրքիր է, ի՞նչ սկզբունքով է դատարանը աշխատում՝ ոմանց բնակարանի վճիռ տալով, ոմանց գումարները անհույս սառույցին գրելով»:
Արփինե ՍԻՄՈՆՅԱՆ
Նրանց փեռքից պարզապես պետք է վերցնել այդ տները ու տալ այն խեղճ ու կրակներին, որոնց քշել են այդ տարածքներից․․․