Թուրքիայի վարչապետ Ռեջեբ Թայիբ Էրդողանը լուսանկարել է աշխարհահռչակ թուրքահայ լուսանկարիչ Արա Գյուլերին այսօր Ստամբուլում կայացած Մշակույթի և արվեստի մեծ մրցանակաբաշխությանը, այս մասին գրում է «Հյուրիեթը», որին վկայակոչում է tert.am-ը:
Էրդողանը միջոցառման ընթացքում ինչ-որ լուսանկարչի ձեռքից վերցրել է նրա լուսանկարչական սարքն ու լուսանկարել Գյուլերին` որպես հարգանքի նշան: Այս ամենը` զարմացած ներկաների աչքի առաջ:
Մշակույթի և արվեստների մեծ մրցանակներ են տրվել 4 լուսանկարիչների: Մրցանակների հանձնման արարողությանը Էրդողանը ելույթով է հանդես եկել, ապա հանձնել մրցանակները:
Երբ Էրդողանը հանձնել է բոլոր 4 լուսանկարիչների պարգևները, նրանք միասին նստել են և այս անգամ էլ Թուրքիայի վարչապետը լուսանակրել է ամբողջ խմբին:
Կարդացեք նաև
