«Կոալիցիոն կուսակցությունները արդեն առավելություն են շահել՝ զինելով որոշ մեծամասնական թեկնածուներին ադմինիստրատիվ լծակներով, փողի մասին էլ չեմ խոսում ու բաժանել են 40 ընտրատարածքները: Անկախ թեկնածուների կուսակցական պատկանելությունից շատ դժվար է լինելու մարտնչել իշխանությունների կողմից հովանավորվող իշխանական թեկնածուների հետ»,- Aravot.am-ի հետ զրույցում ասաց ԱԺ ՀՅԴ խմբակցության ղեկավար Վահան Հովհաննիսյանը:
Ըստ նրա ընտրական պայմանները հավասար չեն. « Որովհետեւ մեծամասնական իշխանական թեկնածուն ձայների հունձ է անելու ոչ միայն իր համար,այլեւ այն կուսակցության, որը զինել է իրեն փողով ,հովանավորչությամբ»:
Ինչ վերաբերում է սոցիոլոգիական վերջին հարցումներին, որոնց համաձայն հիմնական ընտրապայքարը ընթանալու է ՀՀԿ-ԲՀԿ-ՀԱԿ միջեւ, իսկ մյուս կուսակցությունների ԱԺ մտնելու հնարավորությունները մեծ չեն՝ ոչ ավելի քան 5 տոկոս, պարոն Հովհաննիսյանն ասաց. «Չեմ կարծում, որ սոցիոլոգիական հարցումները Հայաստանում արժանահավատ են, լավ հասկանում եմ, թե պատասխանների անկեղծությունն ինչ աստիճանի կարող է լինել, իսկ պատասխաններն անկեղծ չեն»:
Կարդացեք նաև
Արփինե ՍԻՄՈՆՅԱՆ
