«Օրինաց երկիր» կուսակցությունը, անդամակցելով ԵԺԿ-ին, որոշել է «աստղային» իմիջ ձեռք բերել եւ իր հին տարբերանշանը փոխելով՝ ՕԵԿ անվան գլխավերեւում 7 աստղ ավելացնել՝ դառնալով, այսպես ասած «7 աստղանի» կուսակցություն:
Հաշվի առնելով, որ «Ժառանգությունը» նույնպես ԵԺԿ անդամ է, Aravot.am-ն այդ խմբակցության ղեկավար Ստյոպա Սաֆարյանից հետաքրքրվեց, թե չե՞ն պատրաստվում իրենք էլ աստղիկներ փակցնել իրենց բաճկոններին կամ տարբերանշանը փոխել: Նա պատասխանեց. «Ոչ, մենք ԵԺԿ անդամ ենք դարձել մեր տարբերանշանի, արժեքների, մեր կուսակցական ինքնության միջոցով: Չենք պատրաստվում մեր բաճկոններին աստղեր փակցնել: Եվրամիության աստղերը պետք է փակցված լինեն մեր օրենքների վրա՝ ի դեմս եվրոպական արժեքների, քաղաքացու իրավունքների անվերապահ հարգման եւ իրավական սոցիալական պետության արժեքների»:
Հռիփսիմե ՋԵԲԵՋՅԱՆ
