Սիրիայի կառավարական զորքերը Հալեպում առնվազն մեկ շրջան հետ են գրավել։ Երբ Reuters լրատվական գործակալության թղթակիցը մոտեցել է Սալահեդին թաղամասին, որը ապստամբների հենակետներից մեկն էր, նրանք ասել են, որ նահանջում են իրենց դիրքերից: Վերջին շաբաթվա ընթացքում ապստամբների կողմից այստեղ տեղադրված անցակետը վերացվել է:
Սիրիայի կառավարության անվտանգության ծառայության աղբյուրները Լիբանանի «Ալ-Մանար» հեռուստաընկերությանը ասել են, թե գրավել են Սալահեդին թաղամասը։
Միջազգային գործակալությունները հաղորդում են, որ ծանր հրետակոծության տակ կառավարական զորքերի տանկերը մտել են Սալահեդինի մի մասը, տների տանիքներին դիպուկարներ են տեղակայվել:
«Ազատություն» ռադիոկայան
