Վանաձորից քիչ առաջ ահազանգ էր ստացվել կրկին դրոշմակնիքների անհետացման, ինչպես նաեւ քվեախցերի ստվարաթղթերից լինելու մասին: Ըստ Հելսինկյան Քաղաքացիական Ասամբլեայի Վանաձորի գրասենյակի տարածած տեղեկությունների՝ ստվարաթղթե քվեախցիկները ընտրություն կատարելիս ճկվում են ու անհարմարություն ստեղծում եւ կարող են քվեաթերթիկները սխալ նշելու պատճառ դառնալ: Այս առնչությամբ ԿԸՀ-ից տեղեկացրին, որ Ազգային ժողովի ընտրություններին նույն քվեախցիկներն են օգտագործվել եւ նման խնդիր չի կարող առաջանալ:
Իսկ դրոշմակնիքների թանաքի օքսիդացման մասին էլ նորից կրկնեցին, որ եզակի դեպքեր են եղել եւ խնդիրը արագ վերացվել է:
Հիշեցնենք, որ այս պահին Հայաստանի 481 համայնքներում ՏԻՄ ընտրություններ են ընթանում: Ընտրություններ անցկացվում են Արարատում, Արմավիրում, Լոռիում, Շիրակում, Սյունիքում: 379 համայնքում ընտրում են համայնքի ղեկավար, իսկ 454 համայնքում՝ ավագանու անդամ:
Արփինե ՍԻՄՈՆՅԱՆ
