«Հայանտառներ» հ/կ նախագահ Նազելի Վարդանյանը մտավախություն ունի, որ առաջիկա տարիներին անտառային ծրագրեր իրականացնելու համար Հայաստանը հողերի սակավության խնդրին է բախվելու: «Դրա համար այն ժամանակ էի առաջարկել, որ անտառային հողերի կատեգորիայի փոփոխությունը արվեր օրենքով՝ Ազգային ժողովի կողմից, ոչ թե կառավարությունով»,- Aravot.am-ի հետ զրույցում ասաց Ն. Վարդանյանը: Անդրադառնալով անտառային ոլորտում Վերահսկիչ պալատի արձանագրած խախտումներին, թե 40 պետական ներդրումների տոկոսն անարդյունավետ է օգտագործվել, տիկին Վարդանյանն ասաց. «Չգիտեմ էլ, թե պետությունն այդ ինչ միջոցներ է հատկացրել: Անցած տարվա բյուջեն բավարարել է միայն անտառի աշխատողների աշխատավարձի 80 տոկոսը, այսինքն այն 20 տոկոսը վճարելու համար պետք է ծառ կտրեին: Բյուջեն, ի սկզբանե, այնպես է կազմվում, որ դրա մեջ դրվում է այն հնարավորությունը, որ ծառ պետք է կտրեն, որ մարդկանց աշխատավարձ տան»:
Արփինե ՍԻՄՈՆՅԱՆ
