«Լե Ֆիգարո» թերթն անդրադարձել է Ադրբեջանի նախագահ Իլհամ Ալիևի` Ֆրանսիա կատարած այցին: Թերթը գրում է, որ Ադրբեջանի նախագահին չի կարելի համարել ժողովրդավար, նրանց ընտանիքն արդեն 20 տարի է իշխում է երկրում, ու իրավապաշտպան տարբեր կազմակերպությունների կողմից մեղադրվում է ընդդիմությանը ճնշելու և խոսքի ազատությանը բռնանալու համար:
Թերթը նշում է, որ Ալիևը հայ-ադրբեջանական լարվածությանը նոր շունչ հաղորդեց` ներում շնորհելով Ռամիլ Սաֆարովին:
Մոտ վեց հարյուր ցուցարար Ադրբեջանի նախագահին ընդունեցին «Ալիև ֆաշիստ: Դուրս կորիր Ֆրանսիայից» կարգախոսով: «Չենք կարող հանդուրժել, որ բռնապետ Ալիևը գտնվի Ֆրանսիայում, դեռ մի բան էլ ընդունելության արժանանա Ելիսեյան պալատում», – Ֆրանսիայում Հայ Դատի գրասենյակի ղեկավար Հրաչ Վարժապետյանի խոսքերն է հաղորդում թերթը:
Կարդացեք նաև
