Գրավոր հարցումով երկրորդ անգամ դիմել էինք Տավուշի մարզպետ Արմեն Ղուլարյանին. խնդրելով հայտնել, թե իր՝ որպես մարզպետ պաշտոնավարման 13 տարիներին քանի՞ հոգու է շնորհել «Պատվավոր տավուշցի» կոչում, այդ կոչման արժանացածներից յուրաքանչյուրն ի՞նչ արժանիքների համար է ստացել կոչումը: Մարզպետին նաեւ հարցրել էինք, թե նա , ըստ օրենքի, նա ունի՞ կոչումներ շնորհելու իրավունք, եւ դա ո՞ր օրենքով է սահմանված: Տավուշի մարզպետարանի աշխատակազմի ղեկավար Սվետլանա Դավթյանը ի պատասխան նշել է հետեւյալը. «Պատվավոր տավուշցին» խրախուսման միջոց է եւ տրվում է այն մարդկանց, ովքեր ավանդ կամ ներդրում են ունենում մարզի տնտեսության, հասարակական կամ մշակութային կյանքի զարգացման գործում: «Պատվավոր տավուշցիների» ցուցակը կտեղադրվի մարզպետարանի կայքում, ինչի մասին Ձեզ լրացուցիչ կտեղեկացնենք»:
Կարդացեք նաև
Ոսկան ՍԱՐԳՍՅԱՆ
