2012թ. բյուջեն բյուջե չէ: Այս համոզմանն է ՀԱԿ խմբակցության քարտուղար Արամ Մանուկյանը, որի կարծիքով այն հետընթաց ապահովող բյուջե է եւ որեւէ մարտահրավեր չի նետում ստվերային տնտեսությանը, մոնոպոլիային եւ գնաճին:
«Պայքարող բյուջե չէ, կռիվ տվող բյուջե, որ կառավարությունը ծրագիր է դնում սոցիալական խնդիր լուծելու, թոշակառուի, ուսուցչի խնդիր լուծելու, այդպիսի բյուջե այստեղ չկա»,- «Ա1+»-ին ասում է Արամ Մանուկյանը։
Մի քանի օրից ԱԺ-ն կսկսի երկրի ամենակարեւոր փաստաթղթի` 2013թ. պետբյուջեի նախագծի քննարկումները: Պարոն Մանուկյանը համակարգային ոչ մի լուրջ փոփոխություն չի ակնկալում:Նրան հատկապես հավատ չի ներշնչում բյուջեում նշված հարկեր-ՀՆԱ հարաբերակցությունը. «Իրենք լավ շուլեռի նման լավ թվեր են ներկայացնում, փորձում են մատուցել աճ»։
Ըստ նրա` գեղեցիկ մանեւրելով ներկայացված գեղեցիկ թվերը հօդս են ցնդում, երբ քաղաքացին մտնում է սովորական մի խանութ ու ծանոթանում գներին:
«Գներն աճում են աննախադեպ արագությամբ, եւ գնաճը մի քանի անգամ գերազանցում է իրենց ներկայացրած բյուջեի աճի թվերի»,-հայտնում է Արամ Մանուկյանը։
Մանրամասները կարդացեք այստեղ: