Վրաստանի նորանշանակ արտգործնախարար Մայա Խանտիկիձեն ուրբաթ օրը հնչեցրել է երկրի նոր կառավարության դիրքորոշումը Ռուսաստանի հետ հարաբերությունների հարցում:
«Վրաստանի տարածքի 20 տոկոսը օկուպացված է Ռուսաստանի կողմից: Ռուսաստանը դեսպանատներ է բացել Ցխինվալում եւ Սուխումում, եւ քանի դեռ դա այդպես է, Ռուսաստանի հետ դիվանագիտական հարաբերությունները չեն վերականգնվի», – հայտարարել է Վրաստանի արտգործնախարարը:
Խանտիկիձեն, այդուհանդերձ, չի բացառել «երկխոսության հնարավորությունը»:
Վրաստանի նոր վարչապետ Բիձինի Իվանիշվիլին, հիշեցնենք, խոստացել է բարելավել պաշտոնական Մոսկվայի հետ հարաբերությունները:
«Ազատություն» ռադիոկայան
