Այսօր Մոսկվայի Ռուսաստանի պետական սոցիալական համալսարանում մեկնարկում է շախմատի «Moscow Open» 9-րդ ավանդական փառատոնը:
Ութ խմբերի մրցաշարերում այս տարի հադես է գալիս ռեկորդային թվով՝ շուրջ 1600 շախմատիստ: Հայաստանը մասնակցում է երեք ուժեղագույն խմբերի պայքարին: «A» խմբում, որը նաեւ Ռուսաստանի տղամարդկանց գավաթի փուլ է, պայքարի մեջ ներգրավվելու է ութ շախմատիստ՝ գրոսմայստեր Հովհաննես Գաբուզյանի գլխավորությամբ: «B» խմբում (այստեղ հանդես են գալիս կանայք եւ սա Ռուսաստանի կանանց գավաթի փուլ է) մեր հանրապետությունը ներկայացնում է միայն միջազգային վարպետ Լիլիթ Գալոյանը: Իսկ «C» խմբում, որտեղ խաղարկվում է նաեւ Մոսկվայի շախմատի ֆեդերացիայի գավաթը, հանդես են գալիս Հայաստանի հինգ երիտասարդ շախմատիստներ:
Աշոտ ՀԱԿՈԲՅԱՆ
