Ակնալիճի գյուղապետ Գեւորգ Միսակյանն այսօր հատուկ էր նախապատրաստվել ՀՀ նախագահի թեկնածու, գործող նախագահ Սերժ Սարգսյանին դիմավորելու համար: Իր համայնքից մարզկենտրոն տանող ճանապարհին նա մի ճոխ սեղան էր գցել: Ավելի ուշ Aravot.am-ի հետ զրույցում գյուղապետն ասաց, որ նախագահն իջել է,հյուրասիրվել է, ընդունել է իր տված պատիվը: Հետաքրքրվեցինք` նախագահը չբարկացա՞վ, չասա՞ց, որ նման բաներն ավելորդ են եւ կարող են անտեղի քննարկումների ու քննադատությունների տեղիք տալ: Միսակյանը պատասխանեց. «Ոչ, նման բան ո՞նց ասի: Ասաց` շնորհակալ եմ, Գեւորգ ջան: Սա էլ չլիներ` կլիներ»: Հարցրեցինք` ինքը նախագահի բոլո՞ր թեկնածուներին է այդպես դիմավորում: Միսակյանը նեղսրտեց. «Չէ, մյուսները լայաղ չեն անում»:
Մեր դիտարկմանն էլ, որ մոտ մեկ շաբաթ առաջ Րաֆֆի Հովհաննիսյանն էր այդ տարածքներում հանդիպումներ ունենում, իսկ նա այն մարդն է, ով հաստատ մեծամտություն չէր անի, Միսակյանը պատասխանեց. «Դե պետքա մի հատ իմանայինք, որ օրն ա գալիս, որ ժամին ա գալիս: Խի՞ չէինք դիմավորի, հայ մարդ ա, լավ հայրենասեր Րաֆֆի Հովհաննիսյանն ա, խի՞ չէինք դիմավորի: Ի՞նչ ա, հո հետները չեն տանելու: Մի հատ պիտի օգտվեն, մնացածը էլի մեր ժողովուրդն ա օգտվելու»: Հարցին` չի՞ վախենում, որ Րաֆֆի Հովհաննիսյանին գովում է, ՀՀԿ-ականները իրեն չե՞ն պատժի, Միսակյանը պատասխանեց. «Ես ո՞ւմ եմ փնովում, ո՞ր: Սաղ էլ հայ մարդ են, մեր ժողովուրդն են, ի՞նչ ա եղել»:
Նելլի ԳՐԻԳՈՐՅԱՆ
Լուսանկարը՝ «Ազատություն» ռադիոկայանի
Կարդացեք նաև
