«Յուվենտուսի» հարձակվող Միրկո Վուչինիչը, Իտալիայի առաջնության 31-րդ տուրում 11 մետրանոց հարվածով բացելով «Պեսկարայի» հետ հանդիպման հաշիվը, խփած գոլը նշել է յուրօրինակ ձեւով՝ վարտիքը հանելով:
29-ամյա ֆուտբոլիստը վարտիքը գլխավերեվում պտտեցնելով վազել է դեպի պահեստայինների նստարան, ինչի համար գլխավոր մրցավարը նրան պատժել է դեղին քարտով: «Ամեն ինչ ինքնըստինքյան ստացվեց. ես զգացի, որ դա պիտի անեմ: Գլխավորը, որ հաղթեցինք (խաղն ավարտվել է 2:1 հաշվով) եւ բոլորը գոհ են: Հուսով եմ, որ կհաղթենք նաեւ «Բավարիային», – իր արարքը մեկնաբանել է ֆուտբոլիստը:
Վուչինիչն առաջին անգամ չէ, որ գոլը նշում է վարտիքը հանելով: Նա այդպես վարվել է նաեւ 2010 թվականի հոկտեմբերին, երբ «Եվրո 2012»-ի ընտրական մրցաշարում գրավեց Շվեյցարիայի հավաքականի դարպասը: Այն ժամանակ էլ մրցավարը նրան պատժել էր:
Աշոտ ՀԱԿՈԲՅԱՆ
