Բնակիչներին սպառնում են` եթե ՀՀԿ-ի օգտին չքվեարկեն, նախորդ անգամվա տված գումարն էլ են հետ ուզելու, ամեն ինչ նկարում են ու տեսնում են` ով` ում օգտին է քվեարկում
Արշակունյաց 50, 50/1, 50/2, 52 շենքերի, ավելի կոնկրետ`«Յոնջալախ եռանկյունի» կոչվող թաղամասում ԲՀԿ-ի ներկայացուցիչները 10 հազարական դրամ են բաժանում բնակիչներին: Այս մասին հենց բնակիչներն են տեղեկացրել Շենգավիթի ՀՅԴ նախընտրական գրասենյակին:
Aravot.am-ին գրասենյակից հայտնեցին, որ գումար բաժանողներից է նախկին ԺԷԿ-ի պետ Սարգիս Քուռքչյանը:
ՀՅԴ գրասենյակից մեզ հայտնեցին, որ Հանրապետականներն էլ 20 հազարական դրամներ են բաժանում Աէրացիայում, թիվ 169 դպրոցի մոտ գտնվող ՀՀԿ շտաբում: Այս մասին եւս բնակիչներն են ահազանգել Դաշնակցության շտաբ: Աէրացիայում էլ գումարներ են բաժանում Հայրապետ Հայրապետյանն ու ոմն Ժիրոն, որը, ըստ բնակիչների թաղում հայտնի դեմք է եւ տարածքի համատիրություններից մեկի ղեկավարն է:
Կարդացեք նաև
Բացի այս, ըստ ՀՅԴ գրասենյակի, Տարոն Մարգարյանի կողմնակիցները 10 հազար դրամ են բաժանում նաեւ Աջափնյակի Մարգարյան 2-րդ նրբանցքի բնակիչներին:
Դաշնակցության Շենգավիթի շտաբում Եղիշե Թադեւոսյան 10 շենքի մի քանի բնակիչներին շտաբում պատմել են, որ հանրապետականները բնակիչներին վախեցնում ու սպառնում են`«Նախորդ ընտրություններին փողը տվել ենք, համ էլ նկարել ենք, որ մեր օգտին չեք քվեարկել, եթե էս անգամ էլ մեր օգտին չքվեարկեք, էս ու նախորդ անգամվա փողերը հետ կբերեք»:
Դաշնակցության շտաբի ներկայացուցիչն Aravot.am-ի հետ զրույցում ասաց, որ իրենք բնակիչներին բացատրել են, որ իրականում ոչ ոք չի կարող նկարել քվեարկության պահը, եւ պարզել, թե քաղաքացին ում օգտին է քվեարկել, դա փակ է եւ գաղտնի:
Նելլի ԲԱԲԱՅԱՆ
Ես Յոնջալախի տեղամասի հանձնաժողովի նախագահն եմ։ ՀՀԿ-ն էլ, ԲՀԿ-ն էլ թքեցին։ Թող փորձի մի ընտրակաշառք վերցրած բաց քվեարկություն անի։