«Ոստիկանության պետի կողմից ստեղծվել է համակարգող խումբ, որը հետևելու է ընտրական ընթացքին և պատշաճ կերպով կատարելու իրենց ծառայությունը»,-այսօր այս մասին «Մեդիա» կենտրոնում ասաց ՀՀ Ոստիկանության Իրավաբանական վարչության պետ, ոստիկանության գնդապետ Թաթուլ Պետրոսյանը:
Ըստ բանախոսի`եթե անհրաժեշտություն առաջանա, ապա ոստիկանները կարող են ներգրավվել հարակից տարածքներից: Ոստիկանության աշխատանքը բաժանվում է երկու խմբի` նախընտրական շրջանի և բուն ընտրական, ինչպես նաև իրականացնում են ծառայություն ընտրաթերթիկների պահպանման համար:
Բանախոսը նշեց, որ ընդամենը երկու ժամ է, ինչ սկսվել է քաղաքապետի ընտրությունը, սակայն այս պահի դրությամբ ստացվել են 23 ահազանգեր, որոնք եղել են ընտրաշտաբերից` ընտրակեղծիքներից մինչև ծեծկռտուք: Երկու դեպքում հարուցվել է քրեական գործ: «Քրեական գործը հարուցվել է, քանի որ, եթե կա փաստ, ապա սպասելու անհրաժեշտությունը պարզապես չկա»,-ընդգծեց Պետրոսյանը:
Թաթուլ Պետրոսյանը հավաստիացնում է, եթե ոստիկանության աշխատակիցը ծառայություն իրականացնելու պահին չի կատարել ծառայությունը, ապա անպայման իր պատիժը կկրի:
Կարդացեք նաև
Վերջինս նշեց նաև, որ վերջին տարիների ընթացքում հասարակության շրջանում կա վստահություն ոստիկանության նկատմամբ, որի մասին վկայում են բոլոր ահազանգերը:
Քրիստինա ՄԻՐԶՈՅԱՆ
