«Նորագյուղում լարված իրավիճակ է, հանձնաժողովի անդամները ընտրական պրոցեսում իրենց դերակատարությունը կորցրել են, հույսը մնացել է վստահված անձանց վրա: Տեղում ՀՀԿ-ի ուղարկած մարդիկ փորձում են վերահսկելի մթնոլորտ ստեղծել»,- Aravot.am-ին քիչ առաջ հայտնեց «Առաքելություն» կուսակցության քաղխորհրդի անդամ, Երեւան քաղաքի ավագանու թեկնածու Մանուկ Սուքիասյանը:
Նա նաեւ հավելեց. «Առհասարակ Երեւան քաղաքի տարբեր տեղամասերից ստանում ենք ահազանգեր, որ հանձնաժողովները, որպես այդպիսին, իրենց ֆունկցիոնալ նշանակությունը տեղերում կորցրել են, դարձել ընդամենը ֆորմալ թուղթ ու գրիչ օգտագործողներ: Իրականում մարդկանց ուղղորդում են դրսից, անհայտ անձինք մուտք են գործում ընտրատեղամասեր: Կարելի է ասել, որ ընտրությունները որակական առումով ոչ մի առաջընթաց չեն արձանագրում»:
Գոհար ՀԱԿՈԲՅԱՆ
