Հայաստանի Հելսինկյան կոմիտեի նախագահ Ավետիք Իշխանյանը, ի թիվս իրենց կազմակերպության դիտորդների կողմից գրանցված ընտրախախտումների, նշեց, որ թիվ 5/29 ընտրատեղամասում (Դավիթաշեն) արձանագրել են, որ զգալի թվով ընտրողներ ներկայացել են որպես անգրագետ եւ հայտարարել են, որ իրենց օգնություն է պետք քվեարկության ժամանակ: Պարոն Իշխանյանի պնդմամբ՝ օրենքով ամրագրված չէ քվեարկության ժամանակ անգրագետ քաղաքացիներին օգնության փաստը:
Նշենք, որ Հայաստանի Հելսինկյան կոմիտեն դիտորդական առաքելություն է իրականացնում 5-րդ ընտրատարածքում, կազմակերպության 90 դիտորդները առավոտյան ժամը 8-ից ներկա են տվյալ ընտրատարածքի բոլոր 38 ընտրատեղամասերում:
Աշոտ ԱԹԱՅԱՆ
