«Հայոց եկեղեցին միշտ էլ վերապահ է որևէ երևույթի նկատմամբ, երբ այն նոր է ի հայտ գալիս մեր կյանքում: Մինչ այդ երևույթի նկատմամբ վերաբերմունք արտահայտելը ուսումնասիրում ենք, որից հետո մեր համաձայնությունն ու անհամաձայնությունը արտահայտում, և «Թանգարանային գիշերր» եկեղեցական տոն չէ»,-այսօր, այս մասին, «Նոյյան Տապան» Լրատվական կենտրոնի մամուլի սրահում ասաց Մայր աթոռի թանգարանների և արխիվների տնօրեն տեր Ասողիկ քահանա Կարապետյանը:
Քահանայի խոսքով`«Թանգարանային գիշերը» օրվա առիթով բաց է լինելու միայն մեկ թանգարան, որը տաճարի ներսում է և որտեղ պահվում են հիմնական սրբությունները: «Այս առիթով մտածեցինք մասնավոր մի ցուցադրություն կազմակերպել հենց տաճարի թանգարանում և առաջին անգամ պետք է ներկայացվեն ամենայն հայոց կաթողիկոսների նվիրական խորհրդանշանները, որոնք սերնդեսերունդ փոխանցվում են հայոց հայրապետներին»,-ասաց նա, հավելելով, որ դրանք երբևէ չեն ցուցադրվել և մաս չեն կազմում թանգարանների մշտական ցուցադրության, ինչպես նաև, երեկոյան 19:30-ին Մայր տաճարում կլինի հոգևոր դասական համերգ: «Մեր եկեղեցիներում համերգային ավանդույթը ձևավորված չէ: Տաճարի այդ խորհրդավոր մթնոլորտում ունկնդրում են հոգևոր երաժշտություն»:
Ինչ վերաբերում է ցուցադրության ապահովմանը, ապա քահանան ասաց`«Պահպանման խնդիր մենք չունենք, քանի որ ես չեմ կարծում, որ եկեղեցում որևէ մեկը իրեն թույլ կտա ոչ միայն հոգևոր, այլև քրեորեն անթույլատրելի արարք գործելու»:
Թանգարանը բաց կլինի երեկոյան ժամը 19-00-ից մինչև ժամը 24-00:
Կարդացեք նաև
Քրիստինա ՄԻՐԶՈՅԱՆ
