Մայիսի 24-ին ԿԳ նախարար Արմեն Աշոտյանը խիստ նկատողություն էր հայտարարել ԲՈՀ-ի նախագահ Արտուշ Ղուկասյանին` հանձնարարականները թերի կատարելու համար: Ապա դիմել էր Քաղծառայության խորհուրդ՝ Ղուկասյանին 2-րդ նկատողությունը հայտարարելու համաձայնություն ստանալու համար, ինչը հիմք կդառնար նրան աշխատանքից ազատելու: Իր հերթին Քաղծառայության խորհուրդ էր դիմել նաեւ ԲՈՀ-ի նախագահը` նախարարի նկատողության իրավաչափությունը պարզելու խնդրանքով:
Արտուշ Ղուկասյանը «Հրապարակ» թերթին ասել էր , թե գործի նյութերին ծանոթանալու ժամանակ պարզել է, որ որոշ փաստաթղթերի, ծանուցագրերի վրա ամսաթվերի փոփոխություն են արել. «Իմ կարծիքով, դա եւս կատարվում է ոչ պատահական եւ միտված է նախարարի գործողություններն արդարացնելուն: Այսինքն՝ փոխում են ամսաթվերը եւ փորձում այնպես ձեւակերպել, որպեսզի ապացուցեն, որ Ղուկասյանը ժամանակին չի կատարել նախարարի հանձնարարականները: Չնայած դա այդպես չէ»:
Ի պատասխան Ղուկասյանի՝ «Հրապարակին» տված հարցազրույցի, ԿԳ նախարարն էր ֆեյսբուքյան էջում գրել է՝ «Իրականության հետ որևէ աղերս չունեցող և անհեթեթ …»:
Aravot.am-ը ԲՈՀ-ի ղեկավարից հետաքրքրվեց՝ համաձա՞ն է նախարարի ֆեյսբուքյան գնահատականի հետ: «Թող նախարարը մեկնաբանի»,-ասաց նա: Մեր դիտարկմանը, թե Արմեն Աշոտյանը համամիտ չէ, որ փաստաթղթեր են կեղծվել, Արտուշ Ղուկասյանը պատասխանեց. «Ես էլ իր ասածների հետ համամիտ չեմ»:
Կարդացեք նաև
Գոհար ՀԱԿՈԲՅԱՆ
