Անգլիական «Dayly Mail»-ը տեղեկացնում է, որ «Մանչեսթեր Յունայթեդի» գլխավոր մարզիչ Դեւիդ Մեյեսը 27-ամյա հարձակվողին տեղափոխել է պահեստային կազմ:
Մարզման ներկայացած Անգլիայի հավաքականի խաղացողին արգելվել է մարզվել հիմնական կազմի ֆուտբոլիստների հետ: Բացառված չէ, որ Ռունին մոտ ժամանակներս տեղափոխվի Լոնդոնի «Չելսի», որը նրա համար առաջարկում է 30 միլիոն ֆունտ ստերլինգ:
Ավելի վաղ լրատվամիջոցներում տեղեկատվություն էր հայտնվել, թե ՄՅՈՒ-ն նրան վերջնագիր է ներկայացրել. Ռունին պետք է պաշտոնապես հայտարարի, որ մնում է «ՄԱնչեսթեր Յունայթեդում», կամ դարձյալ պաշտոնապես ասի, որ հեռանում է ակումբից:
«Մանչեսթեր Յունայթեդի» ղեկավարությունը ֆուտբոլիստի պատասխանին սպասում է այս շաբաթվա ընթացքում:
Աշոտ ՀԱԿՈԲՅԱՆ
