Այսօր` օգոստոսի 11-ին, Ճանապարհային ոստիկանության 1-ին սպայական գումարտակի 5-րդ դասակի տեսուչների կողմից օրինական «կանգ առ» հրահանգին չենթարկվելու համար հետապնդվել է Ազգային ժողովի պատգամավոր Սամվել Ալեքսանյանի քրոջ որդին` 28-ամյա Վարդան Հովհաննիսյանը:
Ֆոտոլրագրող Գագիկ Շամշյանը shamshyan.com-ին ասել է, որ ՃՈ աշխատակիցները երբ նկատել են, որ «Պորշ Կայեն» մակնիշի 06 ԼՍ 006 համարանիշի ավտոմեքենայի վարորդը չարամտորեն խախտում է ճանապարհային երթեւեկության կանոնները, բարձրախոսով հրահանգել են, որպեսզի կանգնի: Սակայն նա, չենթարկվելով ՃՈ տեսուչի օրինական հրահանգին, դիմում է փախուստի:
Որոշ ժամանակ անց վարորդը երբ նկատեց, որ Ճանապարհային ոստիկանության լրացուցիչ ուժեր են ժամանում դեպքի վայր, այլ ելք չունենալով` իջավ ավտոմեքենայից, ներկայացրեց վարորդական իրավունքի վկայականը, որից հետո ՃՈ աշխատակցի կողմից ենթարկվեց վարչական պատասխանատվության` 200.000 դրամի չափով: Տեսուչը առգրավեց նրա վարորդական իրավունքի վկայականը, եւ նրան տրվեց մեքենա վարելու համար ժամանակավոր կտրոն:
լֆիկն ինչա որ իր բարեկամն ու հարազատը ինչ լինեն: ինչքան լկտիություն կա դրանցից է դուրս գալիս;