«Հայաստանում ընդունված չէ պսակադրության ժամանակ հարսին համբուրելը: Այնպես որ, Ռոզան այսօր խախտում է ավանդույթները», – ռուսական «Կորնի» խմբի մեներգիչը պատմել է «Սոբեսեդնիկ» պարբերականին:
Բացի այդ, երգիչ Ալեքսեյ Կաբանովը և նրա ընտրյալը՝ Ռոզալյա Կոնոյանը ևս մեկ ավանդույթ են խախտել՝ ամուսնանալով ուրբաթ 13-ին. «Որոշեցինք այդ օրն ամուսնանալ, որովհետև մնացած օրերը զբաղված էին: Մենք սնահավատ չենք: Սարսափելի բաներ ամեն օր են պատահում», – ասում է Ալեքսեյը՝ նշելով, որ իրենք թալիսման ունեն՝ ամուսնական մատանիները:
Ռոզան և Ալեքսեյը ծանոթացել են համացանցի միջոցով, ու թեև «Կորնի» խմբի երկրպագուները պնդում են, որ Ռոզան ամուսնացել է իր կուռքի հետ, և իբր թե, հատուկ է կազմակերպել համացանցային պատահական ծանոթությունը, իսկ իրականում վաղուց սիրահարված է եղել երգչին, սակայն Ռոզան հերքում է. «Ես Ալեքսեյին գրեցի, քանի որ ինձ դուր էր եկել նրա արտաքինն ու կերպարը: Իսկ խմբի երգերի մասին իմացա Լյոշայից»:
Ռոզան նաև պատմել է ամուսնական առաջարկության մասին. «Մենք նշում էինք մեր ծանոթության 11 ամիսը: Ու հանկարծ, Լյոշան [ռեստորանի] բեմի վրա է բարձրանում ու ասում. «Ես փոքրիկ անակնկալ ունեմ իմ փոքրիկ արքայադստեր համար»: Բացում է տուփը. այն դատարկ է, ես սարսափած եմ»:
Կարդացեք նաև
«Պարզվեց մատանին ընկել էր տուփի հատակի տակ, բայց մենք այն արագ գտանք», – ծիծաղելով պատմում է Ալեքսեյը:
Պատրաստեց Հովհաննես ԻՇԽԱՆՅԱՆԸ
